VIENTU NA CARA.
Cuando´l fríu de la cai
aruñaba les ventanes
y el barru del camín
afogaba los míos pies,
fuiste tu l´alborecer
que desfizo la xelada,
herba verde, fonte clara
onde yo quiero beber.
Vientu na cara,
fuercia nos brazos,
nel pechu´l to calor.
De la lluz que tu me das
ñacerán les primaveres
que me pinten los colores,
que me traigan la calor,
les qu´entierren los iviernos
que gacharon la mio cabeza,
les que fueren los paragües
que nun dexen ver el sol.
Vientu na cara,
fuercia nos brazos,
nel pechu´l to calor.
Album: Sube la marea 2002.
0 comments:
Post a Comment